სოციალურად დაუცველთა სტატისტიკა და არჩევნები 2019-2021
2019-2021 წლებში სოციალურად დაუცველთა სტატისტიკის ანალიზმა შემდეგი ტენდენციები გამოკვეთა:
- კოვიდ-19 პანდემიის დაწყების შემდეგ საქართველოში სოციალურად დაუცველთა რიცხვი 44.12%-ით გაიზარდა.
- IDFI-ს დაკვირვებით წინასაარჩევნო პერიოდში სოციალურად დაუცველთა რიცხვი იმატებს
2019 წელს რეგისტრირებული დანაშაულის სტატისტიკა
2019 წელს რეგისტრირებული დანაშაულის შესახებ IDFI-ის კვლევამ შემდეგი ტენდენციები გამოავლინა:
2019 წელს სულ დარეგისტრირდა 64,123 დანაშაული, რაც დაახლოებით 10%-ით აღემატება 2018 წლის მაჩვენებელს.
დანაშაულის გახსნის მაჩვენებელი 1%-ით გაუმჯობესდა.
2019 წლის სექტემბრიდან იწყება რეგისტრირებული დანაშაულის მნიშვნელოვანი კლება და მისი გახსნის მაჩვენებლების გაუმჯობესება, რაც ემთხვევა შინაგან საქმეთა სამინისტროს ხელმძღვანელობის ცვლილებას.
ქ. თბილისის მერიისა და საკრებულოს ხარჯები: 2017-2018 წლები
2017-2018 წლებში ქ. თბილისის მერიისა და საკრებულოს ხარჯების შესახებ IDFI-ის კვლევის ძირითადი მიგნებები:
2018 წელს მერიაში შტატიანი თანამშრომლების ანაზღაურება 2017 წელთან შედარებით 4 მლნ ლარით შემცირდა. მერიის შტატგარეშე თანამშრომელთა ანაზღაურება კი 3,4 მლნ ლარით გაიზარდა.
2018 წელს თბილისის საკრებულოს შტატგარეშე თანამშრომელთა ანაზღაურება 461 ათასი ლარით გაიზარდა. საშტატო თანამშრომელთა ანაზღაურება კი 171 ათასი ლარით შემცირდა.
2018 წელს მერიის თანამდებობის პირების თანამდებობრივი სარგო გაიზარდა და ფაქტობრივად მოიცვა დანამატის ის ოდენობა, რომელსაც 2017 წელს ყოველთვიურად იღებდნენ.
2017 წელს თბილისის საკრებულოს საშუალო სამივლინებო თანხა დაახლოებით 3,000 ლარს შეადგენდა, ხოლო 2018 წელს - 5,000 ლარს.
საზოგადოებასთან კომუნიკაციის სააგენტოს მიერ დახარჯული თანხები რეკლამასთან ერთად მოიცავს ადმინისტრაციულ ხარჯსაც, მაგალითად, 2018 წელს სააგენტოს თანამშრომლების შრომის ანაზღაურებისათვის 512 ათას ლარზე მეტი გაიხარჯა, ხოლო საქონლისა და მომსახურებისათვის -1,6 მილიონ ლარზე მეტი.
მერიის მიერ 2018 წელს დახარჯული სატელევიზიო სარეკლამო თანხების 69% ტელეკომპანია „იმედშია” კონცენტრირებული.
მერიის საწვავის ხარჯი 2018 წელს 278 ათასი ლარით გაიზარდა. 2018 წლის მონაცემებით, მერია 370 ერთეულ ავტომობილს ფლობდა.
საკრებულოს საწვავის ხარჯები 2018 წელს 38 ათასი ლარით გაიზარდა. საკრებულოს ჯამში 40 ავტომობილი და 43 მძღოლი ემსახურებოდა.
მერიის წარმომადგენლობითი ხარჯები 2018 წელს წინა წელთან შედარებით 32%-ით არის გაზრდილი.
2017-2018 წლებში საკრებულოს წარმომადგენლობითი ხარჯი 77,507 ლარს შეადგენდა.
ვიზუალზიაცია მომზადდა პროექტის - სადამკვირვებლო ჯგუფების გაძლიერება მთავრობის ანგარიშვალდებულებისთვის - ფარგლებში. პროექტი დაფინანსებულია ვიშეგრადის საერთაშორისო ფონდის მიერ, ვიშეგრადის გრანტების პროგრამით, ჩეხეთის, უნგრეთის, პოლონეთისა და სლოვაკეთის მთავრობების თანადაფინანსებით. ფონდის მისიაა ცენტრალურ ევროპაში მდგრადი რეგიონული იდეების წახალისება. ვიზუალიზაციის შინაარსზე პასუხისმგებელია IDFI და მასში გამოთქმული მოსაზრებები შესაძლოა არ გამოხატავდეს ვიშეგრადის საერთაშორისო ფონდის პოზიციას.
რუსეთის საოკუპაციო ძალების მიერ დაკავებული საქართველოს მოქალაქეები: 2009-2019 წლები
2009-2019 წლებში (29 აგვისტომდე) საოკუპაციო ძალების მიერ ე.წ. საზღვრის უკანონო გადაკვეთის ბრალდებით სულ დაკავებულია 3,193 საქართველოს მოქალაქე.
მათგან 1,932 პირი დაკავებულია აფხაზეთის, ხოლო 1,261 პირი ცხინვალის რეგიონის საოკუპაციო ზოლის გადაკვეთისთვის.
2009 წლის შემდეგ საოკუპაციო ძალები ყოველი კვირის განმავლობაში საშუალოდ 5-6 საქართველოს მოქალაქეს აკავებდნენ. 2013 წელს ეს მაჩვენებელი 10 ადამიანს აჭარბებდა.
დაკავებულთა უკანონო პატიმრობა ძირითადად 2-3 დღე გრძელდება, თუმცა არსებობს შემთხვევები, როდესაც დაკავებულები გრძელვადიან უკანონო პატიმრობაში რჩებიან.
მონაცემთა წყარო: სახელმწიფო უსაფრთხოების სამსახური
ვიზუალზიაცია მომზადდა პროექტის - სადამკვირვებლო ჯგუფების გაძლიერება მთავრობის ანგარიშვალდებულებისთვის - ფარგლებში. პროექტი დაფინანსებულია ვიშეგრადის საერთაშორისო ფონდის მიერ, ვიშეგრადის გრანტების პროგრამით, ჩეხეთის, უნგრეთის, პოლონეთისა და სლოვაკეთის მთავრობების თანადაფინანსებით. ფონდის მისიაა ცენტრალურ ევროპაში მდგრადი რეგიონული იდეების წახალისება. ვიზუალიზაციის შინაარსზე პასუხისმგებელია IDFI და მასში გამოთქმული მოსაზრებები შესაძლოა არ გამოხატავდეს ვიშეგრადის საერთაშორისო ფონდის პოზიციას.
ავტომობილების ტექნიკური ინსპექტირების შედეგები
- ავტომობილების გამონაბოლქვი მთავარი პრობლემაა ჰაერის დაბინძურების კუთხით;
1. - ტექნიკური ინსპექტირება ჩაუტარდა სულ 232,470 ავტოსატრანსპორტო საშუალებას;
- შინაგან საქმეთა სამინისტრო (შსს) არ აღრიცხავს დახარვეზების საფუძვლებს;
- 10 და მეტი წლოვანების ავტომობილები განსაკუთრებულ საფრთხეს წარმოადგენენ ჰაერის დაბინძურების კუთხით;
- 2009 წლამდე გამოშვებული ავტომობილების 59%-მა გაიარა ტექნიკური ინსპექტირება (პირველადი+განმეორებითი);
- აუდიტის სამსახურის ანგარიში: „მუნიციპალური ტრანსპორტი დიდ საფრთხეს წარმოადგენს ჰაერის დაბინძურების მხრივ. მათი უმრავლესობა ვერ გადის ტექნიკურ ინსპექტირებას”;
- შინაგან საქმეთა სამინისტრო ტექნიკური ინსპექტირების მონაცემებში ვერ გამოყოფს მუნიციპალურ ტრანსპორტს;
- 2018 - 2019 წლებში (თებერვლის ჩათვლით) - ავტომობილების მფლობელებმა პირველად ინსპექტირებაში ჯამში, 16 მლნ. ლარზე მეტი დახარჯეს;
- 2018 წელს ტექნიკური ინსპექტირების გაუვლელობის გამო ჯარიმების ოდენობამ დაახლოებით 1 მლნ. ლარი შეადგინა.
იხილეთ სრული ანალიზი
მონაცემების წყარო: შინაგან საქმეთა სამინისტრო
სატელეფონო მიყურადების მონაცემები საქართველოში
2018 წელს სატელეფონო მიყურადებასთან დაკავშირებით განხილული შუამდგომლობები მთლიანი ფარული მოქმედებების 11% იყო;
2018 წელს წინა წელთან შედარებით თითქმის 2-ჯერ გაიზარდა სატელეფონო მიყურადებაზე სასამართლოებში განხილული და დაკმაყოფილებული შუამდგომლობები;
ბოლო ორი წლის მანძილზე სასამართლოებმა სატელეფონო მიყურადებაზე წარდგენილ შუამდგომლობათა 93-94% დააკმაყოფილეს;
2018 წელს წინა წელთან შედარებით, 17-ჯერ გაიზარდა ქურდული სამყაროს წევრობისა და კანონიერი ქურდობის დანაშაულთან დაკავშირებით სასამართლოებში განხილული შუამდგომლობები;
ბოლო სამ წელში ტერორისტული საქმიანობის, საბოტაჟის, უკანონო ფორმირებების შექმნის, შეთქმულებისა თუ ამბოხების მოწყობის დანაშაულის გამო სასამართლოში მხოლოდ 15 შუამდგომლობა შევიდა სატელეფონო მიყურადების ნებართვაზე.
იხილეთ სრული კვლევა
მონაცემთა წყარო: უზანაესი სასამართლო
ფარული საგამოძიებო მოქმედებების სტატისტიკა საქართველოში: 2015-2018 წლები
- 2018 წელს კი 2016 წელთან შედარებით გაორმაგებულია ფარულ საგამოძიებო მოქმედებებზე სასამართლოში შესული შუამდგომლობების რიცხვი
- გაიზარდა ასევე დაკმაყოფილების წილი 86%-დან 97%-მდე
ფარული საგამოძიებო მოქმედების სახეებია:
1) სატელეფონო კომუნიკაციის ფარული მიყურადება და ჩაწერა;
2) კავშირგაბმულობის არხიდან და კომპიუტერული სისტემიდან ინფორმაციის მოხსნა და ფიქსაცია;
3) გეოლოკაციის რეალურ დროში განსაზღვრა;
4) საფოსტო-სატელეგრაფო გზავნილის კონტროლი;
5) ფარული ვიდეო/აუდიოჩაწერა, ფოტოგადაღება;
6) ტექნიკური საშუალებებით ელექტრონული თვალყურის დევნება.
იხილეთ სრული კვლევა
მონაცემთა წყარო: უზენაესი სასამართლო
ბიზნესის გენდერული სტატისტიკა საქართველოში
საქართველოში კომერციული საქმიანობით დაახლოებით ორჯერ მეტი კაცია დაკავებული ვიდრე ქალი. კაცები სამჯერ უფრო მეტ კომპანიას ხელმძღვანელობენ;
საქართველოში ქალები ყველაზე დიდი პროცენტით (42%) ინდივიდუალურ მეწარმეებს შორის არიან.
მონაცემთა წყარო: საქართველოს სტატისტიკის ეროვნული სამსახური
ყველაზე ხშირად რომელი ქვეყნის მოქალაქეებს ეუბნებიან უარს საქართველოში შემოსვლაზე ქვეყნის საზღვარზე?
საქართველოს სახელმწიფო საზღვარზე უცხოელებისთვის ქვეყანაში შემოსვლაზე უარის თქმის სტატისტიკის მიხედვით IDFI-ის მიერ მომზადებულმა ანალიზმა შემდეგი ტენდენციები აჩვენა:
2014 წლიდან 2017 წლამდე მცირდება უცხო ქვეყნის მოქალაქეების საზღვარზე არ შემოშვების რაოდენობა;
ბოლო ორ წელს ყველაზე მეტჯერ ინდოეთის მოქალაქეებს უთხრეს უარი საზღვრის გადმოკვეთაზე;
2015 წელს უარის თქმის რაოდენობის ყველაზე მაღალი წილი თურქეთისა (33%) და აზერბაიჯანის (13%) მოქალაქეებზე მოდიოდა;
ბოლო ოთხ წელიწადში ყველაზე მეტი უარი გაიცა თურქეთის, აზერბაიჯანის, რუსეთის, ირანისა და ინდოეთის მოქალაქეებზე. ამ ქვეყნის მოქალაქეებზე მოდის ბოლო წლებში უარის თქმის 58%.
სამწუხაროდ, შინაგან საქმეთა სამინისტრო არ აღრიცხავს უცხო ქვეყნის მოქალაქეებისთვის საქართველოში შემოსვლაზე უარის თქმის საფუძვლებს.
