2017 წელს იპოთეკით დატვირთული უძრავი ქონების რეალიზების მაჩვენებლები
2017 წელს აღსრულების ეროვნული ბიუროს მიერ რეალიზებული იქნა 1,695 უძრავი ქონება, საიდანაც 1,258 საცხოვრებელი ფართია;
რეალიზებული იპოთეკით დატვირთული ქონების მაჩვენებლებიდან, კრედიტორებს ყველაზე ხშირად წარმოადგენენ ფიზიკური პირები (649 შემთხვევა) და კომერციული ბანკები (625 შემთხვევა).
2015-2017 წლებში საზღვარგარეთ სამკურნალოდ დაფინანსებული პაციენტები
2015-2017 წლებში სახელმწიფო ბიუჯეტიდან საზღვარგარეთ სამკურნალოდ ჯამში 1,191 პაციენტი დაფინანსდა, რაზეც 14.4 მლნ ლარი დაიხარჯა;
2015-2017 წლებში პაციენტების უმეტესობას (35%) საზღვარგარეთ მკურნალობა ონკოლოგიის დაავადების გამო უფინანსდებოდათ;
2015-2017 წლებში საშუალოდ ყველაზე დიდი თანხით (18 867,5 ლარი) ფინანსდებოდა ღვიძლის და თირკმლის პათოლოგიით (ტრანსპლანტაცია) დაავადებულთა მკურნალობა, ხოლო ყველაზე მცირე თანხით (7 273,1 ლარი) ოფთალმოლოგიის მკურნალობა.
ინტერპოლით ძებნისა და ექსტრადირების სტატისტიკური მონაცემები: 2015-2017
2017 წლის 2 ნოემბერსა და 2018 წლის 24 აპრილს IDFI-იმ საჯარო ინფორმაციის მიღების შესახებ განცხადებით მიმართა საქართველოს პროკურატურას და მოითხოვა სტატისტიკური ინფორმაცია საქართველოს პროკურატურის მიერ წითელი ცირკულარით ძებნის გამოცხადების თხოვნით ინტერპოლისთვის მიმართვისა და საზღვარგარეთის სამართალდამცავი ორგანოებისათვის ძებნილ პირთა ექსტრადირების შესახებ დაყენებული შუამდგომლობების რაოდენობის შესახებ. 2017 წლის 21 ნოემბერს საქართველოს პროკურატურამ მოგვაწოდა ჩვენს მიერ მოთხოვნილი ინფორმაცია.
ინტერპოლით ძებნა
სახელმწიფო განცხადებით მიმართავს საერთაშორისო კრიმინალური პოლიციის ორგანიზაცია - ინტერპოლს იმ პირის მიმართ საერთაშორისო ძებნის გამოცხადების მოთხოვნით, რომლიც ეროვნული სასამართლოს გადაწვეტილების საფუძველზე წარმოადგენს მსჯავრდებულს ან ბრალდებულს. მოთხოვნის დაკმაყოფილების შემთხვევაში ინტერპოლი გამოსცემს განცხადებას წითელი ცირკულარით საერთაშორისო ძებნის შესახებ. წითელი ცირკულარით ძებნის გამოცხადების მიზანია ძებნილი პირის ლოკალიზება, დროებითი დაკავება ადგილსამყოფელ სახელმწიფოში, შემდგომში კი მისი გადაცემა განმცხადებელი სახელმწიფოსთვის.
2010-2017 წლებში საქართველოს პროკურატურამ ინტერპოლს წითელი ცირკულარით ძებნის გამოცხადების შესახებ განცხადებით სულ 163 შემთხვევაში მიმართა. პროკურატურის მიერ აღნიშნული მოთხოვნით ინტერპოლისთვის მიმართვათა რაოდენობა საგრძნობლად არის შემცირებული ბოლო წლებში. 2010-2013 წლები - 110 მიმართვა, 2014-2017 წლის ნოემბერი - 53 მიმართვა.
ინტერპოლმა დააკმაყოფილა 2017 წლის განმავლობაში პროკურატურის მიერ გაგზავნილი ყველა განცხადება, განხილვის პროცესშია 2016 წელს გაგზავნილი ერთი განცხადება, ხოლო არ დაკმაყოფილდა 2015 წელს გაგზავნილი 2 განცხადება.
ექსტრადირება
ექსტრადირება - სახელმწიფო განცხადებით მიმართავს უცხო ქვეყნის სამართალდამცავ ორგანოების, იმ პირის გადაცემის მოთხოვნით, რომელიც სასამართლო გადაწყვეტილების საფუძველზე ცნობილია მსჯავრდებულად ან წარმოადგენს ბრალდებულს. განცხადების დაკმაყოფილების შემთხვევაში მსჯავრდებული/ბრალდებული გადაეცემა განმცხადებელ სახელმწიფოს.
2010-2017 წლებში საქართველოს პროკურატურამ უცხო ქვეყნების სამართალდამცავ ორგანოებს ექსტრადირების შესახებ განცხადებით სულ მიმართა 295 შემთხვევაში. ბოლო წლებში მოთხოვნათა რაოდენობა საგრძნობლად არის შემცირებული 2010-2011 წლებთან შედარებით.
მოცემული დროისთვის დაკმაყოფილებულია 2017 წელს ექსტრადირების შესახებ მიმართულ განცხადებათა 19%, 2016 წელს აღნიშნული 30.3%-ს შეადგენდა, 2015 წელს კი - 46.9%-ს. ბოლო წლებში დაკმაყოფილებულ განცხადებათა დაბალი პროცენტული მაჩვენებელი განხილვის პროცესში არსებულ განცხადებათა მაღალი პროცენტული ოდენობით აიხსნება.
მონაცემების წყარო: საქართველოს პროკურატურა
საქართველოს მთავრობის სარეზერვო ფონდის ხარჯვის მიმოხილვა: 2013-2017 წლები
IDFI-ის კვლევამ საქართველოს მთავრობის სარეზერვო ფონდის ხარჯების შემდეგი ტენდენციები გამოავლინა:
2013 წლიდან 2017 წლამდე, ჯამში საქართველოს მთავრობის სარეზერვო ფონდიდან გაიცა 595 მლნ ლარზე მეტი. ამ პერიოდში, ყველაზე მეტი თანხა გაიცა 2016 წელს - 172 მლნ ლარზე მეტი;
ყოველწლიურად სახელმწიფო ბიუჯეტით გათვალისწინებული მთავრობის სარეზერვო ფონდის მოცულობა დაგეგმილთან შედარებით იზრდებოდა მინიმუმ 80%-ით;
წლების განმავლობაში მთავრობის სარეზერვო ფონდის საგრძნობი ნაწილი იხარჯებოდა არა ფორს-მაჟორულ ან გაუთვალისწინებელ სიტუაციებზე, არამედ საერთო სახელმწიფოებრივი მნიშვნელობის ღონისძიებების ჩატარებაზე, ისევე როგორც საბიუჯეტო ორგანიზაციების შეუფერხებელ ფუნქციონირებაზე ან ცალკეული მიმდინარე ხარჯების დაფარვაზე.
თემატური თვალსაზრისით, ყველაზე მეტი თანხა გაიცა გაუთვალისწინებელი ხარჯების დასაფარად - 155 მლნ ლარზე მეტი (ჯამურად გაცემული თანხის 26,17%). თუმცა, ამ კატეგორიას მცირედით ჩამორჩება ღონისძიებების ორგანიზება - 150 მლნ ლარზე მეტი (ჯამურად გაცემული თანხის 25,2%);
მთავრობის სარეზერვო ფონდის ფაქტობრივ ხარჯში ასევე მნიშვნელოვანი ნაწილი უკავია სახელმწიფო სტრუქტურების ფუნქციონირებისთვის საჭირო თანხებს (9%) და სოციალურ ხარჯებს;
რიგი სახელმწიფო უწყებები ყოველ წელს ითხოვდნენ თანხებს მთავრობის სარეზერვო ფონდიდან, რაც ბიუჯეტის დაგეგმვის პრობლემაზე მიუთითებს. ამ მხრივ ყველაზე თვალსაჩინო მაგალითია სპორტისა და ახალგაზრდობის საქმეთა სამინისტრო, რომელსაც ჯამში 2013 წლიდან 2017 წლის განმავლობაში გამოეყო 100 მლნ ლარზე მეტი, ისევე როგორც საქართველოს ეკონომიკისა და მდგრადი განვითარების სამინსიტრო - 40 მლნ ლარზე მეტი;
წლების განმავლობაში მთავრობის სარეზერვო ფონდიდან სახსრები გამოიყოფოდა ისეთი ხარჯების დასაფარად, რომლებიც ყოველწლიურია და დაგეგმვის ეტაპზე შესაძლებელია მათი გათვალისწინება სახელმწიფო უწყებების ბიუჯეტებში.
უკანონო თევზჭერა
2010-2017 წლებში თევზჭერის წესების დარღვევის 4,688 შემთხვევა გამოვლინდა, საიდანაც 18% სისხლის სამართლის დანაშაულის ნიშნებს შეიცავდა
საქართველოს მოქალაქეების დეპორტაციის შემთხვევები
2015-2017 წლებში საქართველოს მოქალაქეების დეპორტაციის 11,428 შემთხვევა დაფიქსირდა;
საქართველოს მოქალაქეების დეპორტაცია ყველაზე ხშირია თურქეთიდან, გერმანიიდან, ისრაელიდან და რუსეთიდან.
მონაცემთა წყარო: შინაგან საქმეთა სამინისტრო
საქართველოს შობადობის მაჩვენებლები
ბოლო 10 წელში 2017 წელს შობადობის ყველაზე დაბალი მაჩვენებელი დაფიქსირდა;
შობადობის მაჩვენებლის გაუარესება განპირობებულია რიგით პირველი და მეორე ბავშვების დაბადების მკვეთრი შემცირებით;
2014 წლის შემდეგ ამოქმედებული სახელმწიფო პროგრამები სათანადოდ ვერ პასუხობს არსებულ დემოგრაფიულ გამოწვევებს;
2019 წლიდან მრავალშვილიანი ოჯახებისათვის იგეგმება ელექტროენერგიის სუბსიდიის გაცემა - ყოველთვიურად 4 შვილიან ოჯახზე 20 ლარი, ხოლო მომდევნო ბავშვზე დამატებით 10 ლარი.
ამ დახმარებით 12,000-ზე მეტი ოჯახი ისარგებლებს, რაზეც ყოველწლიურად დააახლოებით 3,5 მილიონი ლარი დაიხარჯება
მონაცემთა წყარო: სოციალური მომსახურების სააგენტო
სტატისტიკის ეროვნული სამსახური
უკანონო ნადირობა
2010-2017 წლებში ნადირობის წესების დარღვევის 3,491 შემთხვევა გამოვლინდა, საიდანაც 45 სისხლის სამართლის დანაშაულის ნიშნებს შეიცავდა
C ჰეპატიტის სახელმწიფო პროგრამის შედეგები
ამოქმედებიდან 2017 წლის ოქტომბრამდე „C ჰეპატიტის მართვის სახელმწიფო პროგრამაში“ დარეგისტრირდა 43,000-მდე პირი, ჩაერთო 42,000-მდე პაციენტი, დაასრულა მკურნალობა36,000-ზე მეტმა პაციენტმა (2017 წლის ოქტომბრისთვის).
ყოველწლიურად 2-ჯერ იზრდებოდა უფასო დასკრინვის გამოყენების შემთხვევები
2017 წლის ოქტომბრამდე უფასო დასკრინვით სარგებლობის 990 ათასამდე შემთხვევა დაფიქსირდა
ყოველწლიურად მცირდებოდა დასკრინვის საეჭვო დადებითი შედეგების რაოდენობა