ოჯახში ძალადობის სტატისტიკა: 2013-2018
ოჯახში მომხდარი დანაშაულის ყველაზე მეტი შემთხვევა თბილისში, იმერეთი-რაჭა-ლეჩხუმსა და კახეთში დაფიქსირდა;
2015 წლიდან ყოველწლიურად 50%-ით იზრდებოდა შემთხვევების რაოდენობა, რაც მიმართვიანობის მკვეთრ ზრდაზე მეტყველებს;
2016 წელს წინა წელთან შედარებით მკვეთრად იკლო შემთხვევის გახნის მაჩვენებელმა;
პოლიციის მიერ გამოცემული შემაკავებული ორდერების რაოდენობა წინა წელთან შედარებით ყველაზე მეტჯერ 2015 და 2017 წლებში გაიზარდა.
თბილისის ქუჩის ცხოველების სტატისტიკა: 2015-2017
თბილისის ქუჩის ცხოველების სტატისტიკა: 2015-2017
თავშესაფარში ყველაზე მეტი ცხოველი 2016 წელს გადაიყვანეს
მონაცემების წყარო: სსიპ ცხოველთა მონიტორინგის სააგენტოს ბოლო წლების ანგარიშები
112-ში შესული შეტყობინებები
- ყველაზე მეტი შეტყობინება სასწრაფო სამედიცინო დახმარების მოთხოვნით შევიდა
- რეგიონებში ყოველწლიურად იზრდება 112-ით სასწარფო დახმარების გამოძახების შემთხვევები
- 2013 წელთან შედარებით, 2017 წელს თითქმის 3-ჯერ გაიზარდა რეგიონებში 112-ით საპატრულო პოლიციის გამოძახების რაოდენობა
- 112-ით სახანძრო/სამაშველოს გამოძახების რაოდენობა თბილისში ბოლო წლებში შემცირდა, რეგიონებში კი გაიზარდა
გრაფიკის წყარო: 911 Operator by Jutsu Games
ხე-ტყის უკანონო ჭრა
2015-2017 წლებში ხე-ტყის უკანონო ჭრის შედეგად გარემოსთვის მიყენებული ზიანი შეფასდა 8 მილიონი ლარით, ხოლო დაკისრებული ჯარიმა შეადგენდა 2,8 მილიონ ლარს.
ხე-ტყის უკანონო ჭრის ყველაზე მეტი შემთხვევები ბორჯომ-ხარაგაულის ეროვნულ პარკში ფიქსირდება.
უსახლკარო მოსახლეობის რაოდენობა
2014 წლის მოსახლეობის საყოველთაო აღწერის შედეგებით, ქვეყანაში სულ 89 უსახლკარო ადამიანია.
საკანონმდებლო დონეზე არ არსებობს უსახლკარო პირის სრულყოფილი დეფინიცია. განსასაზღვრია, თუ ვინ შეიძლება ჩაითვალოს უსახლკაროდ და მიუსაფრად. ამის გამო უსახლკარობის მასშტაბები ბუნდოვანია.
ნარკოდამოკიდებულთა რეაბილიტაციის ხარჯები
ნარკოდამოკიდებულთა რეაბილიტაციის ხარჯების ანალიზმა შემდეგი ტენდენციები გამოავლინა:
- როდესაც 2017 წელს პაციენტთა რაოდენობა თითქმის ორჯერ გაიზარდა 2015 წელთან შედარებით, ბიუჯეტის ფაქტიურმა დანახარჯმა მხოლოდ 900,000 ლარით ზრდა აჩვენა. მიუხედავად იმისა, რომ ჩანაცვლებითი თერაპიით მოსარგებლეთა რაოდენობის ზრდის პარალელურად გაიზარდა მკურნალობის ბიუჯეტიც, სახელმწიფომ ამ თანხის სრულად ათვისება ვერ შეძლო.
ნარკოტიკული შემოწმება: 2014-2017
ნარკოდანაშაულთან დაკავშირებული სტატისტიკის ანალიზმა შემდეგი ტენდენციები გამოავლინა:
- 2014-2017 წლებში თითქმის ხუთჯერ შემცირდა ნარკოტიკულ შემოწმებაზე გადაყვანილ პირთა რაოდენობა (50,865-დან 11,653-მდე), ხოლო სამჯერ შემცირდა იმ პირთა რაოდენობა, რომელთაც დადებითი შედეგი აჩვენეს ნარკოტიკული ნივთიერებების მოხმარებაზე. ეს ტენდენცია დადებითად უნდა შეფასდეს, თუმცა, იმის გამო, რომ სახელმწიფოს ეს პოლიტიკური ნება კანონმდებლობით არ მყარდება, ტენდენცია ნებისმიერ დროს შეიძლება შეიცვალოს. ამის თავიდან ასაცილებლად, აუცილებელია, რომ უმოკლეს ვადებში საკანონმდებლო დონეზე გამოირიცხოს ნარკოტიკული საშუალების მომხმარებელთა დევნა;
- ბოლო 4 წლის განმავლობაში, ნარკოტიკული შემოწმებების დადებითი პასუხის წილმა მოიმატა მთლიანი შემოწმებების რაოდენობის მეოთხედიდან ნახევრამდე;
- მინიმალურ ფასებზე დაფუძნებული მიახლოებითი გამოანგარიშების მიხედვით, ბოლო 4 წლის მანძილზე ნარკოლოგიურ შემოწმებაში დაიხარჯა მინიმუმ 2,448,520 ლარი, საიდანაც 1,670,940 ლარი (68%) იმ პირებზე დაიხარჯა, რომლებსაც არ აღმოაჩნდათ ორგანიზმში ნარკოტიკული ნივთიერება.
ნარკოდანაშაულთან დაკავშირებული სტატისტიკის ანალიზი
ნარკოდანაშაულთან დაკავშირებული სტატისტიკის ანალიზმა შემდეგი ტენდენციები გამოავლინა:
- ბოლო 4 წლის განმავლობაში რეგისტრირებული სისხლის სამართლის ნარკოტიკული დანაშაულების რაოდენობამ 34%-ით იკლო: 2014 წლის 7,312 შემთხვევიდან 2017 წლის 4,762-მდე. იმავე პერიოდის განმავლობაში ამ დანაშაულთა 92-93% გაიხსნა, რაც სისხლის სამართლის დანაშაულთა შორის ერთ-ერთი ყველაზე მაღალი მაჩვენებელია;
- 2013-2017 წლებში, ნარკოტიკული საშუალებების შეძენა, შენახვა ან მოხმარების ადმინისტრაციული სამართალდარღვევების რაოდენობა სამჯერ შემცირდა: 2013 წლის 12,274 შემთხვევიდან 2017 წლის (პირველი 10 თვე) 3,416-მდე;
- თუ დავუშვებთ იმას, რომ ყველა ადმინისტრაციულ სამართალდამრღვევს კანონით გათვალისწინებული 500 ლარიანი ჯარიმა დაეკისრა, მაშინ მივიღებთ, რომ 2013-2017 წლებში ასეთი ჯარიმების ოდენობა სულ შეადგენს 17,816,000 ლარს;
- მაშინ, როდესაც ნარკოტიკული ნივთიერების მოხმარებაზე ათობით ათასი ადამიანი დაჯარიმდა, შინაგან საქმეთა სამინისტროს მიერ მოწოდებული სტატისტიკის თანახმად, ნარკოტიკული საშუალების გასაღებისთვის 2016 წელს მხოლოდ 10, ხოლო 2017 წელს – 36 პირი იყო დაკავებული. ნარკოტიკული ნივთიერებების მოხმარებასა და გასაღებაზე დაკავებულ პირებს შორის ასეთი დიდი რაოდენობრივი განსხვავება აჩენს კითხვებს ქვეყნის ნარკოპოლიტიკის პრიორიტეტებთან მიმართებით.
ოკუპირებულ ტერიტორიებზე მცხოვრები პაციენტების სამედიცინო მომსახურების ხარჯები
ინფორმაციის თავისუფლების განვითარების ინსტიტუტის ანალიზის - ოკუპირებულ ტერიტორიებზე მცხოვრები პაციენტების სამედიცინო მომსახურების ხარჯები - მთავარი მიგნებების ვიზუალიზაცია:
2014-2017 წლებში, აფხაზი და ოსი პაციენტების სამედიცინო ხარჯების სახელმწიფო ბიუჯეტიდან დაფარვის პროგრამის ფარგლებში სულ დაიხარჯა 16,935,074.81 ლარი, ხოლო სამედიცინო მომსახურება სულ 6,188-მა პაციენტმა მიიღო.
2014-2017 წლებში სახელმწიფო სამედიცინო დახმარებით მოსარგებლე პაციენტებს შორის უფრო მეტი იყო აფხაზი (3,595), ვიდრე ოსი (2,650).
2014-2016 წლებში სახელმწიფო ბიუჯეტიდან დაფინანსებული სამედიცინო მომსახურებით მოსარგებლე პაციენტების რაოდენობა 2.4-ჯერ გაიზარდა, ხოლო ბიუჯეტიდან გამოყოფილი თანხა თითქმის გაორმაგდა.
2014-2016 წლებში სახელმწიფო ბიუჯეტიდან დაფინანსებული სამედიცინო ტრანსპორტირებით მოსარგებლე პაციენტების რაოდენობა 50%-ით გაიზარდა, ხოლო ბიუჯეტიდან გამოყოფილი თანხა თითქმის გაორმაგდა.
2014-2017 წლებში სახელმწიფო სამედიცინო დახმარებით მოსარგებლე პაციენტებს შორის უფრო მეტი იყო აფხაზი (3,595), ვიდრე ოსი (2,650). შესაბამისად, აფხაზი პაციენტების სამედიცინო მომსახურებაზე უფრო მეტი თანხა დაიხარჯა (აფხაზ პაციენტებზე – 9,759,689 ლარი, ოს პაციენტებზე – 8,098,078 ლარი)
ოკუპირებულ ტერიტორიებზე მცხოვრები პაციენტები საქართველოს სამედიცინო დაწესებულებებს ყველაზე ხშირად ონკოლოგიის, ონკოჰემატოლოგიის დაავადების შემთხვევაში და მედიკამენტების მოთხოვნით მიმართავენ.
