უკან

ზოგადი ინფორმაცია ტენდერის შესახებ - მიაქციეთ ყურადღება შესყიდვის ტიპს, სტატუსს, გამოცხადებისა და წინადადებების მიღების თარიღებს, კატეგორიას, სახელშეკრულებო ღირებულებას, საგარანტიო თანხას და ა.შ. 

დოკუმენტაცია - დაათვალიერეთ შემსყიდველი ორგანოს მიერ გამოქვეყნებული დოკუმენტები, ასევე, შემსყიდველსა და ტენდერში მონაწილე სუბიექტებს შორის ურთიერთგაცვლილი მასალები. 

შეთავაზებები - გაეცანით ტენდერში მონაწილეებს, მათ ზოგად მონაცემებს და შეთავაზებულ თანხებს. 

შედეგები - ამ განყოფილებაში ნახავთ ტენდერში მონაწილე პირების ინტერესთა შეუთავსებლობის არარსებობის დამადასტურებელ დოკუმენტებს, ტენდერთან დაკავშირებულ სხვა დოკუმენტაციას, მათ შორის ტენდერის სუბიექტებსა და შემსყიდველს შორის არსებული კომუნიკაციის შესაბამის დოკუმენტაციას, და საბოლოო შედეგს.  

განსაკუთრებული ყურადღება მიაქციეთ:

	ტენდერის პირობები, რამდენად მოიცავს შემზღუდავ გარემოებებს (მაგალითად, შესასყიდი მანქანის ფერი, საქონლის კონკრეტული პარამეტრი,7 არაზომიერად მოთხოვნილი გამოცდილება ან წლიური ბრუნვის მაჩვენებელი, მოთხოვნა რომელიც საქონელთან, მომსახურებასთან ან სამუშაოს გაწევასთან ნაკლებადაა კავშირში);
	ტენდერში გამარჯვებული კომპანია;
	ტენდერში გამარჯვებული კომპანიის წარმომადგენელი / მფლობელი;
	ტენდერში გამარჯვებული კომპანიის ძველი საქმიანობა, კერძოდ, წარსულში რომელ ტენდერში მონაწილეობდა, რომელში გაიმარჯვა და როგორ შეასრულა სამუშაო;
	ვინ იყო ქვე-კონტრაქტორი;
	რამდენადაა ყველა დოკუმენტაცია წარმოდგენილი;
	ტენდერის ცალკეული ეტაპის ვადები და გამარჯვებული კონტრაქტორის მიერ დათქმული ვადების შესრულება;
	გაფორმებული კონტრაქტის პირობები;
	შესრულებული სამუშაოს დამადასტურებელი დოკუმენტაცია.

⁷ საქონლის, მომსახურების ან სამუშაოს სატენდერო დოკუმენტაციაში უნდა იყოს მითითებული რაიმე პარამეტრის ნიშნული, რომელსაც წინ ერთვის სიტყვები “არანაკლებ/ არაუმეტეს”