ოკუპირებულ ტერიტორიებზე მცხოვრები პაციენტების სამედიცინო მომსახურების ხარჯები
ინფორმაციის თავისუფლების განვითარების ინსტიტუტის ანალიზის - ოკუპირებულ ტერიტორიებზე მცხოვრები პაციენტების სამედიცინო მომსახურების ხარჯები - მთავარი მიგნებების ვიზუალიზაცია:
2014-2017 წლებში, აფხაზი და ოსი პაციენტების სამედიცინო ხარჯების სახელმწიფო ბიუჯეტიდან დაფარვის პროგრამის ფარგლებში სულ დაიხარჯა 16,935,074.81 ლარი, ხოლო სამედიცინო მომსახურება სულ 6,188-მა პაციენტმა მიიღო.
2014-2017 წლებში სახელმწიფო სამედიცინო დახმარებით მოსარგებლე პაციენტებს შორის უფრო მეტი იყო აფხაზი (3,595), ვიდრე ოსი (2,650).
2014-2016 წლებში სახელმწიფო ბიუჯეტიდან დაფინანსებული სამედიცინო მომსახურებით მოსარგებლე პაციენტების რაოდენობა 2.4-ჯერ გაიზარდა, ხოლო ბიუჯეტიდან გამოყოფილი თანხა თითქმის გაორმაგდა.
2014-2016 წლებში სახელმწიფო ბიუჯეტიდან დაფინანსებული სამედიცინო ტრანსპორტირებით მოსარგებლე პაციენტების რაოდენობა 50%-ით გაიზარდა, ხოლო ბიუჯეტიდან გამოყოფილი თანხა თითქმის გაორმაგდა.
2014-2017 წლებში სახელმწიფო სამედიცინო დახმარებით მოსარგებლე პაციენტებს შორის უფრო მეტი იყო აფხაზი (3,595), ვიდრე ოსი (2,650). შესაბამისად, აფხაზი პაციენტების სამედიცინო მომსახურებაზე უფრო მეტი თანხა დაიხარჯა (აფხაზ პაციენტებზე – 9,759,689 ლარი, ოს პაციენტებზე – 8,098,078 ლარი)
ოკუპირებულ ტერიტორიებზე მცხოვრები პაციენტები საქართველოს სამედიცინო დაწესებულებებს ყველაზე ხშირად ონკოლოგიის, ონკოჰემატოლოგიის დაავადების შემთხვევაში და მედიკამენტების მოთხოვნით მიმართავენ.
საჯარო სკოლების ინფრასტრუქტურის მოწყობაზე გაწეული ხარჯები: 2014-2017 წლები
საქართველოში 2014 წლის შემდეგ ყოველწლიურად მცირდება საჯარო სკოლების ინფრასტრუქტურაზე დახარჯული თანხები. საერთო ჯამში, ბოლო 4 წლის განმავლობაში, ეს ხარჯი 35 %-ით შემცირდა.
2016-2017 წლებში ყველაზე მეტი თანხა დედაქალაქის სკოლებისთვის იყო გამოყოფილი, 2016 წელს 8,740,398 ლარი, 2017 წელს კი – 7,098,263.
2016 წელს, თბილისის შემდეგ, ყველაზე მეტი თანხა შიდა ქართლის რეგიონზე დაიხარჯა – 4,204,636 ლარი, ყველაზე ცოტა კი აჭარაზე – 32,466. ანალოგიური ტენდენცია გამოიკვეთა 2017 წელსაც და დედაქალაქის შემდეგ თანხის ყველაზე დიდი ნაწილი შიდა ქართლის რეგიონს გამოეყო – 5,482,118 ლარი. აჭარის რეგიონზე დახარჯული თანხა კი, წინა წელთან შედარებით, 91 %-ით შემცირდა და მხოლოდ 1,727.75 ლარი შეადგინა.
2017 წელს, წინა წელთან შედარებით, სკოლების ინფრასტრუქტურაზე დახარჯული თანხები გაიზარდა შიდა ქართლის, იმერეთისა და გურიის რეგიონებში, მცხეთა-მთიანეთში თითქმის იგივე დარჩა, ხოლო სხვა ყველა რეგიონში შემცირდა.
რაც შეეხება 2014 და 2015 წლებს, ამ პერიოდში განათლების სამინისტრო ხარჯების რეგიონების მიხედვით აღრიცხვას არ აწარმოებდა.
2014-2017 წლებში, საერთო ჯამში, სკოლების რეაბილიტაციაზე 123 მილიონი ლარი დაიხარჯა.
სკოლების ინფრასტრუქტურაზე გაწეული ხარჯები პირდაპირ პროპორციული არ არის სკოლების რეგიონების მიხედვით განაწილებასთან. საქართველოში ყველაზე მეტი საჯარო სკოლა იმერეთშია, ხოლო აჭარაში, სამეგრელო-ზემო სვანეთსა და ქვემო ქართლში თითქმის თაბარი რაოდენობაა – 230-დან 240-მდე. ყველაზე ცოტა კი – 67 საჯარო სკოლა – რაჭა-ლეჩხუმსა და ქვემო სვანეთშია.
სკოლების რეაბილიტაციის ხარჯების შემცირების საკითხი მოხვდა ომბუდსმენის სპეციალურ ანგარიშში ბავშვთა უფლებრივი მდგომარეობის შესახებ. ანგარიშის მიხედვით, 2015 წელთან შედარებით, 2016 წელს 65%-ით ნაკლებ სკოლაში განხორციელდა სარეაბილიტაციო სამუშაოები.
სახალხო დამცველის ანგარიშში აღნიშნულია, რომ არსებობდა შემთხვევები, როდესაც ზოგადსაგანმანათლებლო დაწესებულებებს ჭირდებოდათ სარემონტო-სარეაბილიტაციო სამუშაოები, თუმცა, ამგვარი სამუშაოები არ ჩატარებულა.
შეზღუდული შესაძლებლობის მქონე პირებზე გაცემული მართვის მოწმობები და სატრანსპორტო საშუალებების საცნობი ნიშნები
ინფორამციის თავისუფლების განვითარების ინსტიტუტის (IDFI) მიერ ჩატარებულმა კვლევამ აჩვენა, რომ:
- ქალაქ თბილისის მერიის და რაიონული გამგეობების მიერ, ხშირ შემთხვევაში, ვერ ხერხდება შშმ პირთათვის ინფრასტრუქტურის ადაპტირებაზე გაწეული ხარჯების პროექტის მთლიანი ხარჯებისგან განცალკევებით აღრიცხვა.
- 2017 წელს მნიშვნელოვანი ზრდა ფიქსირდება შშმ პირებზე მართვის მოწმობებისა და ავტომობილების საცნობი ნიშნების გაცემის თავლსაზრისით.
საქართველოში მცხოვრებ შეზღუდული შესაძლებლობების მქონე პირთა სტატისტიკა
ინფორამციის თავისუფლების განვითარების ინსტიტუტის (IDFI) მიერ ჩატარებულმა კვლევამ აჩვენა, რომ სახელმწიფო ჯერ კიდევ ვერ აწარმოებს სრულყოფილ სტატისტიკურ მონაცემებს შეზღუდული შესაძლებლობების მქონე (შშმ) პირთა შესახებ. ამის ვალდებულება კი ქვეყანას აღებული აქვს გაეროს შშმ პირთა უფლებების კონვენციის მიხედვით.
ანალიზის შედეგად გამოიკვეთა, რომ:
- 2014 წლის საყოველთაო აღწერის შედეგების მიხედვით, საქართველოში სულ აღრიცხულია 100,113 შშმ პირი, მაშინ, როდესაც 2015 წლის 1 მარტის მდგომარეობით სოციალური მომსახურების სააგენტოს მიერ რეგისტრირებულია 118,651 მხოლოდ სოციალური დახმარების მიმღები შშმ პირი, ხოლო 2017 წელს – 125,104.
- საყოველთაო აღწერის შედეგების მიხედვით, საქართველოში 5,172 შშმ ბავშვია, ხოლო ჯანდაცვის სამინისტროს მონაცემებით, 2017 წელს რეგისტრირებულია დაახლოებით ორჯერ მეტი – 10,052 სოციალური დახმარების მიმღები შშმ ბავშვი.
შეზღუდული შესაძლებლობის მქონე პირების დასაქმების სტატისტიკა
ინფორამციის თავისუფლების განვითარების ინსტიტუტის (IDFI) მიერ ჩატარებულმა კვლევამ აჩვენა, რომ საქართველოში შეზღუდული შესაძლებლობის მქონე (შშმ) პირებს დასაქმების და საკუთარი თავის რეალიზაციის შესაძლებლობა ნაკლებად ეძლევათ. ანალიზის შედეგად გამოიკვეთა, რომ:
- დასაქმებული შშ პირების 86,2% წარმოადგენდა თვითდასაქმებულს, მაშინ, როდესაც ანალოგიური მაჩვენებელი დანარჩენ მოსახლეობაში შეადგენდა 53,6%-ს.
- 2014 წლის მდგომარეობით, საქართველოში 15 წლის და უფროსი ასაკის შეზღუდული შესაძლებლობის მქონე 96,102 პირიდან დაქირავებით დასაქმებული იყო მხოლოდ 4.8% – 4,571 პირი.
- შშმ პირების დასაქმების მაჩვენებელი უარესდება სტატუსის სიმძიმის მიხედვით. მაგალითად, მკვეთრად გამოხატული (I ჯგუფი) 15 წლის და ზემოთ შშმ პირებიდან დაქირავებით დასაქმებული იყო მხოლოდ 3.8%. მნიშვნელოვნად გამოხატული (II ჯგუფი) შშმ პირებიდან – 4.8%, ხოლო ზომიერად გამოხატული (III ჯგუფი) შშმ პირებიდან – 7.8%.
- 2014 წლის მდგომარებით, ევროპის ქვეყნებში საშუალოდ შშმ პირთა დაქირავებით დასაქმების მაჩვენებელი 33,6%-ს შეადგენს, რაც 7-ჯერ აღემატება საქართველოს მაჩვენებელს.
თავშესაფრის მაძიებლები საქართველოში: 2012-2017 წლები
ვიზუალიზაციაში მოცემულია საქართველოში თავშესაფრის მაძიებელთა სტატისტიკის ანალიზი, რომელიც 2012-2017 წლების პერიოდს მოიცავს.
საქართველოში საგზაო-სატრანსპორტო შემთხვევების სტატისტიკა 2013-2016 წლებში
ვიზუალიზაცია მომზადებულია IDFI-ის კვლევის - საპატრულო პოლიციის საჯარიმო პოლიტიკა 2013 – 2016 - შედეგების მიხედვით.
საქართველოში საპატრულო პოლიციის საჯარიმო პოლიტიკა 2013-2016 წლებში
ვიზუალიზაცია მომზადებულია IDFI-ის კვლევის - საპატრულო პოლიციის საჯარიმო პოლიტიკა 2013 – 2016 - შედეგების მიხედვით.
საჯარო ინფორმაციის ხელმისაწვდომობის უზრუნველყოფასა და პროაქტიულ გამოქვეყნებაზე პასუხისმგებელ პირთა რუკა
ინფორმაციის თავისუფლების განვითარების ინსტიტუტმა (IDFI) შექმნა სხვადასხვა საჯარო დაწესებულებაში საჯარო ინფორმაციის ხელმისაწვდომობის უზრუნველყოფასა და პროაქტიულ გამოქვეყნებაზე პასუხისმგებელ პირთა რუკა, რომელიც დაფუძნებულია IDFI-ის მიერ შეგროვებულ მონაცემთა ბაზაზე.